Бизде “баары жакшы”, бирок адамдар кетүүдө… Чындыгында, тимбилдинг эмне үчүн керек?
Бир караганда баары жайында сыяктуу: тапшырмалар аткарылууда, командада конфликт жок. Бирок түпкүрүндө чарчоо, четтөө жана демилгенин төмөндөшү байкалат. Адамдар талашып-тартышпайт, бирок орток максатка да умтулушпайт. Ар ким өзү менен өзү. Дал ошол учурда HR «Кантип кубантса болот?» деген суроонун ордуна, “Кантип жандуу, бири-бири менен байланышкан команданын сезимин кайра кайтарабыз?” деген суроону коё башташат.

Бул чөйрөнү алмаштыруу же эс алуу жөнүндө эмес. Тимбилдинг ички процесстерге: учурдагы чакырыктарга, компаниянын маданиятына жана адамдардын ортосунда чындыгында болуп жаткан мамилелерге так жооп бергенде гана иштейт.
Маселе майрамдардын жоктугунда эмес, а кызматкер «мен бул жерде керектүүмүн, биз - командабыз» деген сезимди жогото баштайт.
Бул бюджетти коротуу эмес, а сактап калууга багытталган салым.

Сандар муну тастыктайт:
- Gallup берген маалыматка ылайык, кызматкерлердин катышуусу жогору болгон компанияларда кадрлардын жумуштан кетүүсү 21–51%га чейин төмөндөйт, ал эми кызматкерлердин эмгегин таануу алардын эки жыл ичинде иштен кетүү тобокелдигин 45%га азайтат.
- Teamland маалыматтары боюнча, тимбилдингдерге катышуу жумушка болгон канааттанууну 50%га чейин жогорулатат.
- Peaksales серептөөсүндө белгиленгендей, үзгүлтүксүз командалык активдүүлүктөр компаниянын маданиятына сабаттуу интеграцияланган учурда кызматкерлердин жигердүүлүгүн өсүшүнө жана аларды кармап калууга өбөлгө түзөт.

Бирок бул сыяктуу сандар ички логика болгон жерде гана иштейт. Белги үчүн гана уюштурулган тимбилдинг - бул камкордук эмес, а формалдуулук. Кызматкерлер мындай сигналдарды дароо сезишет, а жасалмалык заматта билинет.
Биз иштеген кейстердин биринде компания жигердүү өсүп жаткан: жаңы кызматкерлер, аралыктан иштөөгө өтүү, жаңы багыттар. Сыртынан караганда - өсүш бар. Бирок командалар кудум ар башка компанияларда болгонсуп өз-өзүнчө иштеп башташты. Жалпы “биз” деген түшүнүк менен сезим жоголду.
Бизге адамдардын «көңүлүн ачуу» эмес, ички байланыштарды кайра жандандыруу керек болчу. Квест же шоу эмес, а ишеним менен иштөө зарыл болчу. Мындай формат өзгөчө мамилени талап кылат.

Чындыгында эмне кылганда иштейт:
1. Чыныгы кейстерге негизделген топтук модулдар
Катышуучулар абстракттуу «командалык баалуулуктарды» эмес, өздөрүнүн иш процесстерин, конфликттерин жана үзүлүү чекиттерин талкуулашат.
2. Фасилитация
Кесипкөй фасилитатор чынчыл диалогдун башталышына жардам берет. Дал ушундай маектер аркылуу ишеним жаралат.
3. Жай динамика
Формат формалдуу өз ара аракеттенүүдөн жеке байланышка акырындык менен алып келиши керек. Буга таңууланган оюндар менен жасалма жакындыктын кереги жок.
4. Лидерлердин катышуусу
Эгер жетекчилер иш-чараны ачып коюп эле кетип калса - бул дароо байкалат. Ал эми баары менен тең катышса, бул: «бул баарыбыз үчүн маанилүү» деген сигналды берет.
5. Уландысы
Кайтарым байланыш чогултуп, эмне иштегенин талдап чыгып, аны HR-практикаларга интеграциялаңыз. Тимбилдинг программанын акыркы бөлүгү менен эле бүтпөйт.
Качан адам өзүн жалпы иштин бөлүгү катары сезгенде, жанында чыныгы команда бар экенин жана өз салымы маанилүү экенин түшүнгөндө башка жакка кетүүнүн жолун издебейт. Ал маңызын көрө билет. Тимбилдинг дал ошол сезим кайра кайтып келген учур боло алат. Бирок ал календардагы жөн гана дата эмес, компаниянын маданиятынын бир бөлүгү болгондо гана ишке ашат.

Тимбилдингди өткөрүүнүн алдында өзүңүзгө беришиңиз керек болгон суроолор:
– Иш-чарадан кийин эмне өзгөрүшү керек?
– Кызматкерлер өздөрү менен кандай эмоцияны ала кетишет?
– Биз кандай сигналдарды беребиз, алтургай, аңдабай туруп?
– Бул стратегияга жасалган кадамбы же жөн гана “белги үчүнбү?”

Эгер адамдардын калышын кааласаңыз – алар калгысы келген шарттарды түзүңүз.
Ооба, мындай шарттарды жаратса болот.

Жаңы жылдык корпоратив - кезектеги майрамдык иш-чара эмес. Бизнес ээлери жана HR-адистер үчүн бул корпоративдик маданиятты бекемдеген, кызматкерлердин лоялдуулугун жогорулаткан жана компаниянын өнүгүшүнө өбөлгө түзгөн стратегиялык инструмент болуп саналат. Изилдөөлөр көрсөткөндөй, жетекчилик тарабынан таанылып, колдоо көргөн кызматкерлер көбүрөөк лоялдуу жана мотивациялуу болушат. Жаңы жылдык корпоратив команданын ар бир мүчөсүнө жалпы ишке кошкон салымы үчүн ыраазычылык билдирүүгө мыкты мүмкүнчүлүк түзөт. Мындай көңүл буруу жумуштан канааттанууну жогорулатып, кадрлардын алмашуусун азайтат.

Бул сыяктуу иш-чаралар командалык рухту бекемдеп, жумушта позитивдүү атмосфераны жаратат. Формалдуу эмес шартта ар башка бөлүмдүн кызматкерлери бири-бирин жакындан таанып, бул күнүмдүк иштеги коммуникацияга жана кызматташууга оң таасир тийгизет. Жалпы салттарды жана баалуулуктарды калыптандыруу компаниянын иденттүүлүгүн күчөтүп, аны потенциалдуу таланттар үчүн жагымдуураак кылат.

Жаңы жылдык корпоратив жыл жыйынтыгын чыгаруу жана келечектеги пландарды талкуулоо үчүн да платформа болуп берет. Компаниянын жетишкендиктерин көрсөтүү жана жаңы максаттарды коюу кызматкерлерди жогорку жыйынтыктарга шыктандырат. Жетишкендиктерди биргеликте белгилөө жалпы ишке таандык сезимин күчөтүп, демилгелүүлүктү стимулдаштырат.

Deloitte консалтинг компаниясынын маалыматына ылайык, корпоративдик маданияты күчтүү уюмдар рентабелдүүлүктүн жана кирешенин өсүшүн 1,5 эсе көп көрсөтүшөт. Gallup отчету болсо кызматкерлеринин катышуусу жогору компаниялар атаандаштарына салыштырмалуу 21% өндүрүмдүүрөөк экенин тастыктайт. Бул командалык байланышты бекемдеген иш-чараларга инвестиция салуунун маанилүүлүгүн айгинелейт.

Жаңы жылдык корпоративди жогорку деңгээлде уюштуруу үчүн бир нече негизги аспектти эске алуу маанилүү.

Максаттарды жана күтүүлөрдү аныктоо
Пландоону баштаардан мурда иш-чаранын максаттарын так аныктаңыз. Корпоратив командалык рухту бекемдөөгө, кызматкерлердин лоялдуулугун жогорулатууга, жетишкендиктерди таанууга же жыл жыйынтыгын чыгарып, жаңы максаттарды коюуга багытталышы мүмкүн. Кызматкерлердин каалоолору менен күтүүлөрүн билүү үчүн сурамжылоо жүргүзүңүз жана иш-чараны команданын кызыкчылыктарына мүмкүн болушунча ылайыкташтырыңыз.

Коллективдин ар түрдүүлүгүн эске алуу
Кызматкерлердин маданий жана диний ар түрдүүлүгүнө көңүл буруңуз. Иш-чара бардык кызматкерлер үчүн инклюзивдүү жана ыңгайлуу болушу керек. SHRM изилдөөлөрүнө ылайык, ар түрдүүлүк жана инклюзивдүүлүк эске алынган компанияларда кадрлардын кетүүсү 22%га төмөндөйт.

Бюджетти пландаңыз
Бюджетти аныктоо – даярдык көрүүгө маанилүү кадам. Аянтчаны ижарага алуу, тамак-аш, суусундуктар, жасалгалар, техникалык жабдуу, белектер жана чакырылган конокторго байланыштуу кошумча чыгымдарды эске алыңыз. Корпоративдик иш-чараларга салынган инвестициялар команданын өндүрүмдүүлүгүнүн жана лоялдуулугунун жогорулашы менен акталат.

Бардык кызматкерлер үчүн катышууга ыңгайлуу шарттарды түзүңүз
Катышууну максималдуу деңгээлде камсыз кылуу үчүн ыңгайлуу убакытты жана жайды тандаңыз. Локациялардын жеткиликтүүлүгүн жана ыңгайлуулугун изилдеңиз. Эгер компанияда аралыктан иштеген кызматкерлер же филиалдар бар болсо, онлайн катышуу мүмкүнчүлүгүн караштырыңыз. Майыптыгы бар кызматкерлер үчүн трансферди жана майрамдагы шарттарды алдын ала пландаңыз.

Кызыктуу программа түзүңүз
Баарына кызыктуу болгон мазмундуу программа түзүңүз. Кызматкерлердин жана командалардын жетишкендиктерин белгилөө үчүн сыйлоо аземин уюштуруңуз. Жыл жыйынтыгын чыгарып, келечектеги пландарды жетекчиликтин баяндамалары же презентациялар аркылуу бөлүшүңүз. Жандуу музыка, оюндар, конкурстар же компаниянын миссиясы жана баалуулуктары менен байланышкан тематикалык активдүүлүктөрдү кошуңуз.

Алкоголдук ичимдиктер боюнча эске алышыңыз керек болгон жагдай
Алкоголдук ичимдиктерди берүү маселесине тең салмактуу мамиле кылыңыз. Коопсуздук чараларын камсыздап, алкоголсуз альтернативалуу суусундуктарды сунуштаңыз. Тандалган формат компаниянын корпоративдик стандарттарына жана баалуулуктарына шайкеш экенине ынаныңыз.

Кайтарым байланыш чогултуңуз
Иш-чарадан кийин анын натыйжалуулугун жана командага тийгизген таасирин баалоо үчүн кайтарым байланыш чогултуу маанилүү. Канааттануу боюнча сурамжылоолорду жүргүзүп, катышуу жана тартылуу деңгээлин талдаңыз. Алынган маалыматтар келечектеги корпоративдерди жакшыртууга жана алардын оң таасирин күчөтүүгө жардам берет.

Корпоративдик маданиятты бекемдеңиз
Корпоративди компаниянын жетишкендиктерин баса белгилөө, стратегиялык пландарды билдирүү жана кызматкерлерди жаңы ийгиликтерге шыктандыруу мүмкүнчүлүгү катары пайдаланыңыз. Мындай иш-чара корпоративдик маданиятты бекемдеп, команданын мотивациясын жогорулатат.

Бизнес ээлери үчүн иш-чараны ийгиликтүү өткөрүү гана эмес, анын компанияга жана кызматкерлерге тийгизген таасирин да баалоо маанилүү. Негизги көрсөткүчтөрдү (KPI) көзөмөлдөө корпоратив өз максаттарына жетип же жетпегенин жана бизнеске кандай таасир бергенин түшүнүүгө жардам берет.

Баалоо үчүн негизги көрсөткүчтөр
• Кызматкерлердин катышуу деңгээли
Иш-чарага жогорку катышуу команданын кызыгуусун жана лоялдуулугун көрсөтөт. Корпоративге келген кызматкерлердин пайызын жалпы кызматкерлердин санына салыштырып баалаңыз. Ошондой эле конкурстарга, талкууларга жана башка активдүүлүктөргө катышуу деңгээлин анализдеңиз. Муну байкоолор же сурамжылоолордун жардамы менен өлчөсө болот.

• Кызматкерлердин канааттануусу

Иш-чарадан кийин анонимдүү сурамжылоолорду өткөрүп, уюштуруу, программа жана жалпы атмосфера боюнча пикирлерди билиңиз. Кызматкерлердин компанияны жумуш берүүчү катары сунуштоо даярдыгын өлчөңүз.

• Корпоративдик маданиятка таасири

Корпоративден кийин бөлүмдөр аралык өз ара аракеттенүүнүн жакшырганын байкаңыз. Бир нече функцияны камтыган долбоорлордун жана демилгелердин көбөйүшү командалык иштин бекемделгенин көрсөтөт.

• Тартылуу жана лоялдуулук

Иш-чарага чейин жана кийин кадрлардын кетүү көрсөткүчтөрүн салыштырып, анын кызматкерлерди сактап калууга тийгизген таасирин баалаңыз. Өндүрүмдүүлүктүн жана иш сапатынын өзгөрүшүн көзөмөлдөңүз. Байкоо салынган ар бир корпоративдик иш-чара көрүнүктүү натыйжага жетет.

• Инвестициянын кайтарымы (ROI)

Иш-чарага кеткен чыгымдарды сатуу өсүшү же кардарларды тейлөөнүн жакшырылышы сыяктуу бизнес-натыйжалар менен салыштырыңыз.

• Кайтарым байланыш жана сунуштар

Кызматкерлердин иш-чара тууралуу пикирлерин жана жакшыртуу боюнча идеяларын чогултуңуз. Корпоратив боюнча социалдык тармактардагы активдүүлүктү жана маанайды талдаңыз.

Маалыматтарды чогултуу жана талдоо ыкмалары

Маалыматты тез жана ыңгайлуу чогултуу үчүн анонимдүү сурамжылоолорду колдонуңуз. Таасирлерди деталдуу талкуулоо үчүн чакан жолугушууларды өткөрүңүз. HR-аналитика аркылуу персоналды башкаруу системаларындагы маалыматтарды интеграциялап, иш-чаранын таасирин комплекстүү баалаңыз. Корпоративге чейинки жана кийинки көрсөткүчтөрдү салыштырыңыз.

Максаттарды жана KPIларды алдын ала аныктап, кайсы көрсөткүчтөр көзөмөлдөнөрүн жана кандай натыйжалар күтүлөрүн тактаңыз. Кызматкерлерге эмне үчүн маалымат чогултулуп жатканын жана ал жумуш шарттарын жакшыртуу үчүн кандайча колдонуларын түшүндүрүңүз. Алынган маалыматтарды талдап, чечим кабыл алууда жана келечектеги иш-чараларды пландоодо пайдаланыңыз. Көрсөткүчтөрүңүздү тармактык стандарттар менен салыштырып, натыйжаларыңыздын жалпы кабыл алынган нормалар боюнча ордун баалаңыз.

Ийгиликтүү жаңы жылдык корпоративди уюштуруу - профессионалдуу мамилени жана олуттуу ресурстарды талап кылган иш. Жогорку сапаттагы иш-чара өткөрүү жана бардык максаттарга жетүү үчүн корпоративдик иш-чараларды уюштуруучу ишенимдүү агенттикке кайрылуу сунушталат. Адистер уникалдуу концепцияны иштеп чыгып, компанияңыздын өзгөчөлүктөрүн эске алуу менен аны бизнес стратегияңызга интеграциялап, бардык уюштуруу иштерин өз мойнуна алышат. Бул сизге убакытты үнөмдөөгө, мүмкүн болгон каталардан качууга жана корпоративдин команда биримдигин бекемдеген, бизнес өнүгүшүнө салым кошкон жаркын окуяга айланышына кепилдик берет.